Aprendendo a crecer: equilibrio financeiro e crecemento empresarial.

Non só se trata de medrar senón de como o facemos.

Ao afrontar un proxecto de crecemento empresarial importa o canto, pero coidado, tamén o como. Ás veces as grandes cifras embáganos doutros principios básicos de xestión financeira e poden levarnos a cometer erros graves que poñan en risco a solvencia do negocio e a súa continuidade.

Todo crecemento en principio é bo se se fai dun modo equilibrado, se temos a capacidade económica, produtiva e laboral suficiente. Pero....

-A falta de capacidade produtiva pode levarnos a non poder servir o noso produto nos prazos comprometidos. 

-A falta de capacidade laboral tamén pode afectar á anterior, é dicir, temos os medios e infraestrutura pero non temos o persoal necesario para facelo funcionar.

-A falta de capacidade económica ou financeira impediranos realizar os pagamentos correntes, as investimentos necesarias, o pago de débedas, intereses etc.

Todos estes aspectos están relacionados entre si. A estrutura económica debe estar correlacionada coa estrutura financeira. Falamos de equilibrio entre emprego e recursos, entre Activo e Pasivo. Falamos de Equilibrio Financeiro.

-Analizamos a solvencia xeral a través do Ratio de Solvencia que compara todo o activo con todo o pasivo. 

    Ratio de solvencia = Activo / Pasivo

O equilibrio mínimo darase cando todo o activo fixo estea financiado con pasivo fixo, así como todo activo circulante, por pasivo a curto.

O equilibrio desexable para obter unha maior seguridade financeira será aquel onde se consiga ademais que o pasivo permanente sexa superior ao activo fixo.

- A solvencia máis inmediata dánona outro ratio: Ratio de Tesouraría.

Ratio de Tesouraría = Dispoñible + Realizable / Pasivo Corrente.

Por Dispoñible entenderemos o diñeiro líquido, por Realizable, bens e dereitos susceptibles de converterse en diñeiro con moita rapidez e por Pasivo Corrente as débedas a curto prazo.

 Este ratio coñecido tamén como "proba ácida" medirá a capacidade da empresa para facer fronte ao pago das súas débedas que venzan a curto prazo.

A existencia de pagamentos e cobros aplazados é unha realidade do mercado, por iso a xestión da tesouraría é moi importante para as empresas para contar en todo momento cos medios necesarios e suficientes para facer fronte ao pago das débedas con vencemento máis inmediato.

 Ás veces coa obsesión de medrar esquécense estes principios financeiros básicos entrando en uso de recursos desequilibrado que absorve a nosa liquidez e impide facer fronte ás nosas obrigas cos provedores, ao pago de nóminas, gastos de enerxía, alugueres etc

Para ter controlado este ratio é conselleiro ter un bo Plan de Tesouraría onde se reflicta as cantidades que imos pagar ou cobrar para sincronizar os prazos e conseguir uns fluxos de caixa constantes de tal modo que a nosa liquidez sexa sempre suficiente. 

Como conclusión podemos dicir que:

- Medrar en principio é bo e forma parte dos obxectivos empresariais.

- Deixa de ser bo se supera as nosas capacidades 

- Implica desenvolver unha boa planificación que reflicta entre outras cousas o como manexar os tempos de cobros e pagos de explotación, de investimento e de financiamento sendo esta última unha ferramenta fundamental para afrontar un bo crecemento empresarial.