Máis aló do diñeiro: diferentes métodos de pago

Elabora unha lista mental das diferentes formas de realizar un pago que existen na actualidade. Probablemente pensarás nos diferentes tipos de moedas (dólar, libra, euro …), métodos (en efectivo, con tarxeta, co móbil, co reloxo intelixente…). Ata aí o común na nosa sociedade, pero existen moitísimos máis. Hai unhas semanas explicabámosvos orixe do diñeiro ata chegar á actualidade, concluíndo co potencial das moedas virtuais. Estas moedas, como o famoso Bitcoin ou Ethereum, están baseadas en tecnoloxía blockchain. Neste artigo imos facer unha reflexión máis aló, e a darlle unhas voltas máis ao tema do diñeiro. Actualmente, existen tres formas diferentes de pagar: con diñeiro, con tempo e con datos. Para algúns, pode ser un golpe de realidade, pero o certo é que deberiamos de analizar se os nosos actos son acordes ao seu valor real para así tomar as medidas oportunas en canto ao que “gastamos” sen darnos conta. Imos analizalo:

• Con diñeiro: é a forma tradicional de pago. Inclúe comprar o pan cunhas moedas, comprar unha lavadora por Amazon con tarxeta, ou pagar a subscrición de Netflix, por exemplo.
• Con tempo: todos pagamos con tempo, aínda que de primeiras pareza que non. Cando estamos a navegar en redes sociais, escoitando música en Spotify, ou vendo a tele, estamos a pagar con tempo de maneira indirecta. O tempo que dedicas a ver os seus anuncios está pagado polas marcas anunciantes. Se valoras o teu tempo, recomendámosche facer unha limpeza de perfís que non che interesan, ou limitar o tempo diario que dedicas a cada rede social.
• Con datos: só con aceptar certo tipo de cookies, xa estás a pagar con datos. Os exemplos son variados: usando aplicacións de Google como Gmail, Drive, ou subscribíndoche a unha newsletter para recibir algo “gratis” a cambio.

O límite entre o caro e o barato, entre o que se paga e o que se recibe, non está tan claro como parece. Ademais, é común que cando se paga con datos tamén se gaste tempo. A innovación nos modelos de negocio implica que estes detalles pasen desapercibidos para a maioría dos seus usuarios. Unha vez que somos conscientes desta realidade, empezamos a enfocar o valor das cousas desde outra perspectiva. O que antes che producía satisfacción pensando que era gratis, agora, sabendo o sabido, probablemente prefiras pagar con diñeiro unha cantidade moito maior do seu valor antes de xóguese cos teus datos. Que tipo de diñeiro vale máis? Pasarse horas consumindo contido en Twitter, Instagram ou TikTok parece gratis, pero tendo en conta o teu valioso tempo e os datos que levan, en realidade é carísimo. Ademais, calculaches o tempo que che leva ir a un caixeiro para retirar efectivo, ou o que gastas facendo colas para pagar fisicamente? O diñeiro nalgunhas das súas formas, o tempo e os datos son activos intanxibles moi valiosos. Recomendámosche analizar o valor de cada un para ti. Gustouche este artigo? Pois atentos ao seguinte, esta vez trataremos con profundidade o tema dos activos intanxibles. Convén a eliminación do diñeiro en efectivo? Se non cho queres perder, podes seguirnos nas nosas redes sociais para estar ao día de todas as novidades de Inversa Academia, e moito máis! LinkedInTwitterFacebook